काल महाराष्ट्रातील नाशिकमध्येही भूकंपाचे धक्के जाणवले
मेघालयातील शिलाँगमध्ये गुरुवारी पहाटे भूकंपाचे धक्के जाणवले. नॅशनल सेंटर फॉर सिस्मॉलॉजीनुसार, आज पहाटे 3.46 वाजता राज्यातील तुरापासून 37 किमी पूर्व-ईशान्य दिशेला भूकंपाचे धक्के जाणवले. भूकंपाची तीव्रता रिश्टर स्केलवर 3.4 मोजण्यात आली असून खोली जमिनीखाली 5 किमी होती.
याआधी बुधवारी महाराष्ट्र आणि अरुणाचल प्रदेशात भूकंपाचे धक्के जाणवले. बुधवारी सकाळी ७:१ वाजता अरुणाचल प्रदेशातील बसरपासून ५८ किमी उत्तर-पश्चिम-उत्तर भागात जमिनीपासून १० किमी खोलीवर ३.८ रिश्टर स्केलचा भूकंप जाणवला, असे राष्ट्रीय भूकंपविज्ञान केंद्राने सांगितले.
दुसरीकडे, काल पहाटे महाराष्ट्रातील नाशिकमध्येही भूकंपाचे धक्के जाणवले. नॅशनल सेंटर फॉर सिस्मॉलॉजीने दिलेल्या माहितीनुसार, भूकंपाची तीव्रता 3.6 इतकी होती आणि केंद्रबिंदू नाशिकच्या पश्चिमेला 89 किमी अंतरावर होता. भूकंपाची खोली जमिनीखाली 5 किमी होती. याआधी 12 नोव्हेंबर रोजी राष्ट्रीय राजधानी दिल्लीत रात्री 8.00 वाजता भूकंपाचे धक्के जाणवले होते.
नॅशनल सेंटर फॉर सिस्मॉलॉजीनुसार, नेपाळमध्ये या दिवशी संध्याकाळी ७:५७ वाजता जमिनीच्या १० किमी खोलीवर ५.४ रिश्टर स्केलचा भूकंप झाला. त्याचा परिणाम संपूर्ण उत्तर भारतात दिसून आला. ८ नोव्हेंबर रोजी दिल्लीत भूकंपाचे धक्के जाणवले तेव्हा भूकंपाचा केंद्रबिंदू नेपाळमध्येही होता. रिश्टर स्केलवर त्याची तीव्रता 6.3 मोजली गेली.
