ऑस्ट्रेलियाचा कर्णधार अरॉन फिंचने एकदिवसीय क्रिकेटमधून निवृत्ती जाहीर केली आहे. 36 वर्षीय ऑस्ट्रेलियन फलंदाज रविवारी न्यूझीलंडविरुद्ध शेवटचा एकदिवसीय सामना खेळणार आहे. ऑस्ट्रेलियन संघासाठी 145 एकदिवसीय सामने खेळलेला अॅरॉन फिंच या फॉरमॅटमध्ये त्याच्या सर्वात खराब फॉर्मचा सामना करत आहे. गेल्या 7 डावात त्याच्या बॅटने केवळ 26 धावा केल्या आहेत.
फिंच म्हणाला, “मी काही सर्वोत्तम एकदिवसीय संघांचा भाग बनलो हे मी भाग्यवान समजतो. यासोबतच त्यांनी सहकारी आणि सपोर्ट स्टाफचेही आभार मानले. त्यानंतर आता नव्या कर्णधाराला संधी देण्याची वेळ आली आहे जेणेकरून तो स्वत:ला तयार करून पुढचा विश्वचषक जिंकू शकेल. या पातळीपर्यंत पोहोचण्यासाठी मदत करणाऱ्या सर्वांचे त्यांनी आभार मानले.
⭐️ 145 ODIs
⭐️ 5401 runs
⭐️ 17 centuries
⭐️ 2020 Aus men’s ODI Player of the Year
⭐️ 2015 World Cup winner https://t.co/60KYlfwhMq— Cricket Australia (@CricketAus) September 9, 2022
T20 विश्वचषकात कर्णधारपद भूषवणार आहे
फिंच 2024 च्या एकदिवसीय विश्वचषकात संघाचे नेतृत्व करणार नाही परंतु ऑस्ट्रेलियात होणाऱ्या टी-20 विश्वचषक स्पर्धेत तो कांगारूंचे नेतृत्व करेल. त्याने एकदिवसीय क्रिकेटमध्ये 5,400 धावा केल्या आहेत, ज्यात 17 शतकांचा समावेश आहे. त्याने 2013 मध्ये मेलबर्नच्या मैदानावर श्रीलंकेविरुद्धच्या सामन्याने आपल्या करिअरची सुरुवात केली होती. त्याने स्कॉटलंडविरुद्ध पहिले शतक झळकावले आणि त्या सामन्यात त्याने 148 धावा केल्या.
तो 2018 मध्ये एकदिवसीय संघाचा कर्णधार झाला
2018 मध्ये, स्टीव्ह स्मिथवर बंदी घालण्यात आली होती आणि बॉल टॅम्परिंग प्रकरण समोर आल्यानंतर फिंचला ऑस्ट्रेलियाच्या एकदिवसीय संघाचा नियमित कर्णधार बनवण्यात आले होते.
फिंच 2015 च्या एकदिवसीय विश्वचषक विजेत्या ऑस्ट्रेलियन संघाचा एक भाग आहे आणि त्याला 2020 मध्ये ऑस्ट्रेलियाचा ‘पुरुष क्रिकेटर ऑफ द इयर’ पुरस्काराने सन्मानित करण्यात आले.
